На Гомельшчыне стартаваў адкрыты конкурсны адбор праектаў грамадзянскіх ініцыятыў для рэалізацыі ў 2027 годзе
Пераможцы атрымаюць фінансавую падтрымку на ўвасабленне сваіх ідэй.
Грамадзянскія ініцыятывы – мерапрыемствы, накіраваныя на паляпшэнне якасці жыцця насельніцтва, у тым ліку добраўпарадкаванне зямель агульнага карыстання, будаўніцтва, рэканструкцыю, рамонт сацыяльна значных аб'ектаў, агульную прафілактыку правапарушэнняў, папярэджанне траўматызму і гібелі грамадзян.
Удзельнічаць у конкурсным адборы змогуць ініцыятывы, якія прайшлі папярэдні разгляд абласным Саветам дэпутатаў. На разгляд праекты прымаюцца па 9 снежня на папяровым носьбіце па адрасе: Гомель, праспект Леніна, 2, або ў электронным выглядзе ў фармаце PDF-дакументаў на адрас oblsov@oblispolkom-gomel.by з пазнакай «На ўдзел у адкрытым конкурсным адборы». Да праекта прыкладаецца заяўка, якая змяшчае звесткі аб ініцыятары, у тым ліку яго кантактныя дадзеныя.
